السلام عليكم ورحمة الله وبركاته

> الجزء الاول <

> الجزء الثاني <

16 / 8 / 1430 هـ

اليوم الجمعه يوم راحوا الرجال لصلاة الجمعه رحنا حنا للفندق اللي عند البحيره ندخل نت ونلعب الصغار ^^

(38)

هذا الفندق ^^

(39)

هذا الشلال اللي عنده ^^

(40)

طبعا اول ماأقبلنا ع الفندق واشوف اعلان بالعربي وعيوني تقول كذا من زمان عن هالعربي اللي شوي وننساه وماشاء الله اغلب اللي فيه عرب هذا اللي شجعهم بتوفير مترجم عربي الفاضل ( أحمد زيتون ) ولوحة عربيه ^^

(41)

بسلتنا بالمراجيح ^^

(42)

العجيب ان امام المسجد بالخطبه او بعده او قبله او اثنائه يقول للاتراك شوفوا السعوديين من يوم ماجوا لاوزنقول وهم يجون يصلون بالمسجد مع ( اولادهم ) وانتم ليه ماشوف اولادكم .. شوفوا كيف يروننا كقدوة من بلاد الحرمين .. فأتمنى كل من يخرج برا السعودية لاي مكان بالعالم ان يترك صورة مشرقة للمسلم العربي ..

يوم رجعوا الرجال من الصلاة طلعنا نتمشى من فوق الفندق باتجاه جبل السكر .. سبقت انا وبعض اخواني اهلي مشي لفوق ولقطت صور للقرية من فوق

(43)

(44)

(45)

(46)

(47)

(48)

وبعدين رجعنا للغابات اللي على طريق شوقر سو ..

في الطريق للغابات ..

(49)

وقفنا عند هذا المكان .. وهو عبارة عن ماء يصب من وسط شجره ^^ عاد هذا من عمل الناس جزاهم الله خير لتسهيل استخدام مياه الشلالات ..

(50)

كتاباتهم ع الجدران آآآ قصدي الأشجار ^^

(51)

النهر اللي جالسين جنبه ..

(52)

لقطات من المكان ..

(53)

(54)

(55)

(56)

(57)

في نفس المكان اذا تعمقنا شوي بالاشجار ودخلنا بينهن مكان منبسط تقريبا كله ورد اشكال والوان يالله الجنة ()

هذي الجادة اللي توصل له ..

(58)

وهذي بعض الورود ..

(59)

(60)

(61)

(62)

لقطة رهيبة من عدسة خويتنا ام حازم ^^

(63)

(64)

(65)

(66)

بعد ماصلينا المغرب وقعدنا نتقهوى شفنا الحشرات المضيئة سبحان الله اللي كنا نشوفهن بالفلم الكرتوني نارا ^^ وموجوده بسوار العسل .. من جد بهذي الرحلة أغلب الاشياء اللي كنا نشوفهن بافلام الكرتون شفناهن ع الواقع ^^

…..

17/8/1430 هـ

وجهتنا هذا اليوم كانت سلطان مراد .. تعدينا الديرة شويات ووقفنا ..

(67)

كان الجو ضباب وبرد ..

(68)

حاولنا نتكيف مع الجو وحطوا لنا ذرا لعله يخفف شوي ^^

(69)

درجة الحرارة اول ماوقفنا ..

(70)

نزلت انا واخوي لسلطان مراد للاستكشاف على رجولنا ^^ > مادري وش اللي خلانا نغامر والجو ضباب بس اللي طمنن انه معنا قارمن والبلشة انه مافيه شحن واجد

صورة من الطريق ^^

(71)

يبدو ان الطريق اللي كنا نمشي فيه يوصل لمزار قبر او شيء من هالقبيل .. حتى انه اكثر من سيارة وقفوا عندنا يسألوننا عنه على بالهم راجعين منه ^^

والضباب كل ماله يكثر والبرد يشتد .. وهذي صورة اخوي وشعره بدا يثلج ^^

(72)

تجولنا شوي بالديرة ورجعنا لاهلنا ولقيناهم مقررين يرجعون لان المكان غير صالح للجلوس مطلقا

وكانت درجة الحرارة يوم حركنا من المكان 10 ><

مرينا قرية شيكرا عالسريع , وكسابقه من الايام كملنا يومنا بالدكه ^^

…..

18 / 8 / 1430 هـ

وحتى

23 / 8 / 1430 هـ

قضيناها في غابات اوزنجول والقرى المجاورة لها اللتي لاتمل () ولعلي اكتفي في هذه الايام ببعض الصور والتعليق عليها ..

(74)

أطفالهم مبسوطين بالحلاو اللي اعطيناهم كـ هدايا ^^

(75)

اما هذي فـ

(76)

من ديرة شوقر سو ..

(77)

فطر برتقالي > التصوير الله بالخير >< .. وانواع الفطر هناك مدعاة للتأمل سبحان الله ..

(78)

(79)

(80)

(81)

منجرة خشب .. تعجبت من كبر مساحة بعضهن خاصة هذي المعترضة الاخشاب .. سبحان الله

(82)

هذي صادفنا اكثر من بيت يستخدمونه لتوصيل الاغراض وكذا ..

(83)

(84)

التمشي الصباح على البحيرة جدا جميل .. روقان للآخر ()

طبعا هم مسوين ممشى على كامل البحيرة يسهل للناس التمشي وكثير ناس يتمشون فيه ..

وهذي لقطة من احدى التمشيات ..

(85)

(86)

(87)

بسلتنا على الجسر ^^

(88)

ورق شجر كبير جدا لدرجة الاطفال صاروا يستخدمونه كمضلات عن المطر .. عاد سبحان الله مطرهم واجوائهم هادئة مثلهم ^^ المطر تقدر تسميه ديم اقرب له من المطر .. واذا دخلنا تحت الغابات مانحس بالمطر ابد ..

(89)

(90)

الضويه مانستغني عنه ^^

(91)

(92)

كوخ مهجور باحدى الاماكن اللي جلسنا عنده .. ابد ماتمنينا اننا نسكن فيه لو بالاجازات ^^

(93)

(94)

….

24 / 8 / 1430 هـ

صباح هذا اليوم يوم السبت مشينا من اوزنجول وافطرنا على شواطئ البحر الاسود في مدينة تسمى off بمنطقة طربزون ..

(95)

بعدها تسوقنا بنفس المدينة وتمنيت اركز اكثر باسواقهم وبضاعتهم لكن شتت علينا انه صرنا كـ كائنات غريبه بينهم اذا دخلنا محل جوا الباعه حقين المحالات الثانية كلهم عشان يشوفون وش نبي ومن وين حنا واللي يسوي مترجم ^^

احد محلات الاكسسوار كانت صاحبته بنت كبيرة شوي .. ماشاء الله عليه معه لغة انجليزية وتتعلم عربي بنفس محله ورتني اوراق اختبارات للغة العربية مرره ارتحت له وقعدت اسولف معه نسيت التسوق حتى اول مادخلنا قالت كلمة عربية ماذكر وشي هي لفتت انتباهي وقلت تتكلمين عربي ! قالت : بين وبين اخذت ايميله وتواصلنا الحين ماسنجريا ^^

بهذي الاسواق المواقف اللي قلت لكم باين عليهم الآمان .. عاد صاحب المواقف يقول لابوي -بالاشارة طبعا- خل المفتاح معي لين ترجع ^^ واول ماجينا طلب من ابوي ينزل عشان يلبق السيارة هو بنفسه وماشاء الله احتراف بالتوقيف كني اشوف اللي يلعبون به بالسوني ذاك مادري وشسمه ومن الادب مايطلبون هم حق المواقف يعني انت وكرمك ( الله يصلح الاحوال عندنا >< ) وبعض السيارات بالمواقف نازله نوافذهن للآخر .. ماشاء الله ربي يديم عليهم الامن والامان ..

بعد التسوق كملنا مسيرنا وتوقفنا بالطريق عند بنشر لاصلاح عطل بالسيارة .. اكرمنا صاحب الورشة جزاه الله خير ودلنا لمكان قريب منه حلو وجميل .. توجهنا له وهو عبارة عن فندق في مكان مرتفع ببلده اسمه ( كومبت )

(96)

* للمعلومية الصورة ظالمه المكان ولا هو اروع من كذا بكثير ..

…..

25 / 8 / 1430 هـ

بعد مانمنا بالفندق وافطرنا فيه كذلك مشينا لبحيرة مدحوه لنا اصحاب الورشة اسمه ( كارا قول ) اي بحيرة كارا ..

الطريق له جدا صعب ومتعب وطويل نوعا ما لكن اللي جزمنا وجود سيارات تركية رايحه لنفس المكان ..

(97)

البحيرة .. والماء فيها مغري للسباحه لكنه باااارد جدا

صلينا عنده وتحركنا لانه مافيه اماكن للجلوس عنده بس للفرجه ^^

فيه صنبور للشرب والغسيل وكذا من نفس البحيرة كما هي عادتهم بكل مكان ماشاء الله .. الواحد مايشيل هم الماء ابد ^^ لانهم جزاهم الله خير يعتبرونه كاوقاف الماء وافر مجرد يضبط له صبه وصنابير ^^

كملنا طريقنا وكان المبيت بزارا ..

(98)

…..

26 / 8 / 1430 هـ

كملنا طريقنا ومرينا مدينة ( كهرمان مرش ) للتسوق ولكن ماطولنا كملنا طريقنا ونمنا بمدينة ( حربيات ) ..

…..

27 / 8 / 1430 هـ

وصلنا انطاكية واخذنا جولة سياحية فيها طول النهار ..

من الاشياء اللي زرناه .. شجرة موسى والخضر يقال انها هي اللي التقوا عنده والله اعلم .. شجرة ضخمة يدخلون جواه من كبره ولكن للاسف من الداخل كلها لفافات مربوطه بالخشب ان صح التعبير يعتقدون فيها اعتقادات بدعية عافانا الله واياهم واياكم من البدع ..

(99)

باحدى القرى اللي مرينا من عنده لفت انتباهنا هاللوحة على احد المساجد .. واكتشفنا ان المنطقة فيها غزلان ودببه وتزلج لذلك حاطين خريطة للمكان ^^

(100)

بالليل طلعنا من الحدود التركية ورجعنا لكسب ونمنا بفلتنا الاولى نفسه ^^

صورة من النت للطريق الى اوزنجول قريبة جدا من مسيرنا ..

…..

لعلي بتلك الصورة المئة اختم تقريري المتواضع اللذي اتمنى ان اكون قدمت من خلاله معلومات مفيدة وصور طيبة وسرد مسلي .. وبعض من صور سأفردها بتدوينه خاصه باذن الله ببعض من تعليقات ان وجد ^^

أدام الله علينا وعليهم النعم ووفق الجميع لما يحب ويرضى ..

كلمة احببت ان اختم بها التقرير [ أوزنجول تستحق الزيارة ]

تقرير || سُحُب

14 / 8 / 1430 هـ

هذه التدوينة دونت بتاريخ الأربعاء, نوفمبر 4th, 2009 بتمام 10:57 م مدرجة تحت تصنيف || ابتسامة واستراحة. بإستطاعتك متابعة أي تعليق جديد من خلال RSS 2.0 feed. بإستطاعتك ترك تعليق على التدوينة.